Crowdie Ever Mair
1795
Type: Poem
O that I had ne’er been married,
I wad never had nae care,
Now I’ve gotten wife an’ weans,
An’ they cry “Crowdie” evermair.
Chorus-Ance crowdie, twice crowdie,
Three times crowdie in a day
Gin ye crowdie ony mair,
Ye’ll crowdie a’ my meal away.
Waefu’ Want and Hunger fley me,
Glowrin’ by the hallan en’;
Sair I fecht them at the door,
But aye I’m eerie they come ben.
Ance crowdie, &c.
————-
Home
Parallel translations, the parallel world of translating poetry
Poetry in Russian (youd have to select Russian in the language switch area, otherwise you wont be able to read poems in Russian)