My Love, She’s But A Lassie Yet
1789
Type: Poem
My love, she’s but a lassie yet,
My love, she’s but a lassie yet;
We’ll let her stand a year or twa,
She’ll no be half sae saucy yet;
I rue the day I sought her, O!
I rue the day I sought her, O!
Wha gets her needs na say she’s woo’d,
But he may say he’s bought her, O.
Come, draw a drap o’ the best o’t yet,
Come, draw a drap o’ the best o’t yet,
Gae seek for pleasure whare you will,
But here I never miss’d it yet,
We’re a’ dry wi’ drinkin o’t,
We’re a’ dry wi’ drinkin o’t;
The minister kiss’d the fiddler’s wife;
He could na preach for thinkin o’t.
————-
Home
Parallel translations, the parallel world of translating poetry
Poetry in Russian (youd have to select Russian in the language switch area, otherwise you wont be able to read poems in Russian)
- Robert Burns:Inscription To Miss Jessy Lewars: On a copy of the Scots Musical Museum, in four volumes, presented to her by Burns. - February 8, 2022
- Robert Burns:O Wert Thou In The Cauld Blast: - February 8, 2022
- Robert Burns:A Health To Ane I Loe Dear: - February 8, 2022