Dainty Davie
1793
Type: Poem
Now rosy May comes in wi’ flowers,
To deck her gay, green-spreading bowers;
And now comes in the happy hours,
To wander wi’ my Davie.
Chorus.-Meet me on the warlock knowe,
Dainty Davie, Dainty Davie;
There I’ll spend the day wi’ you,
My ain dear Dainty Davie.
The crystal waters round us fa’,
The merry birds are lovers a’,
The scented breezes round us blaw,
A wandering wi’ my Davie.
Meet me on, &c.
As purple morning starts the hare,
To steal upon her early fare,
Then thro’ the dews I will repair,
To meet my faithfu’ Davie.
Meet me on, &c.
When day, expiring in the west,
The curtain draws o’ Nature’s rest,
I flee to his arms I loe’ the best,
And that’s my ain dear Davie.
Meet me on, &c.
————-
Home
Parallel translations, the parallel world of translating poetry
Poetry in Russian (youd have to select Russian in the language switch area, otherwise you wont be able to read poems in Russian)
- Robert Burns:Inscription To Miss Jessy Lewars: On a copy of the Scots Musical Museum, in four volumes, presented to her by Burns. - February 8, 2022
- Robert Burns:O Wert Thou In The Cauld Blast: - February 8, 2022
- Robert Burns:A Health To Ane I Loe Dear: - February 8, 2022