Gude Ale Keeps The Heart Aboon
1795
Type: Poem
Chorus-O gude ale comes and gude ale goes;
Gude ale gars me sell my hose,
Sell my hose, and pawn my shoon-
Gude ale keeps my heart aboon!
I had sax owsen in a pleugh,
And they drew a’ weel eneugh:
I sell’d them a’ just ane by ane-
Gude ale keeps the heart aboon!
O gude ale comes, &c.
Gude ale hauds me bare and busy,
Gars me moop wi’ the servant hizzie,
Stand i’ the stool when I hae done-
Gude ale keeps the heart aboon!
O gude ale comes, &c.
————-
Home
Parallel translations, the parallel world of translating poetry
Poetry in Russian (youd have to select Russian in the language switch area, otherwise you wont be able to read poems in Russian)